« Cossí pòdi descriure las òbras que crei? Per qualques observators es l’art optic, o l’art cinetic, o encara mai simplament l’art geometric. Diriái que qualques unes de mos dessenhs tomban dins lo domeni de l’art optic o cinetic e que d’autres tomban dins un domeni mai algoritmic dins lo sens qu’una règla de construccion rigorosa es de còps implementada. Ai ensajat dempuèi un periòde relativament recent de produire de relèu mas pel moment es sul gradient que centri mon atencion, la transicion de las zònas escuras a las zònas francament luminosas. En tot cas, ei eth dessenh geometric que practiqui e quan comenci ua naua produccion, ei tostemp damb ua idèa plan precisa en cap mès sense tostemp saber quin efècte produsirà ath finau. Es totjorn amb los meteisses aisinas: una règla graduada e/o un modèl circular tanben graduat, dos plumas tubulars, una botelha de tinta indiana, una pagina de calcul per posicionar corrèctament los diferents elements de ma composicion e … una bona dòsi de paciéncia per téner 30 o 40 oras de trabalh, de còps fòrça mai. »

Del 6 de febrièr al 10 de març de 2025.