La Sant Joan es un eveniment festiu e gratuit qu’esperam amb impaciéncia cada an !

En junh, vos convidam a tornar amb totes nosautres l’estiu e la « Convivéncia ». Perque cada an, avem l’escasença de nos retrobar al Jardin des Plantes de Tolosa a l’entorn de pèças de teatre, d’espectacles de dança e de cants la vrespada… e la serada, que la fèsta comence!
Nòstres objectius son nombroses. Ja se reunir, occitans e non occitans, tolosans e non tolosans.
Volèm crear la coesion, a travèrs d’una mixtura un barrejadís intergeneracionala e interculturala. Volèm tornar donar sens al mot « Convivéncia » : l’art de viure ensems amassa dins lo respècte de l’alteritat !
La Sant Joan 2025 serà, coma totjorn, centrada al entorn d’espectacles realitzats en comun e en alternança entre los joves de las associacions dels quartiers e aqueles de las escòlas « Calandreta ».
En per aquesta jornada, volèm que cadun e caduna tròbe, retrobe o s’invente una identitat culturala dobèrta e generosa. Tot aquò dins un esperit festiu e convivial.