Francis Fourcou aculhirà la projeccion de son film « Serge Pey e la bóstia de corrièr del cementèri » dins l’encastre de las seradas « Café Ciné » del luòc.

Projeccion del documentari “Serge Pey e la bóstia de corrièr del cementèri”, que i seguissèm Serge Pey, poèta e artista, pendent los 300 quilomètres que separan Tolosa de la tomba del poèta Antonio Machado. Una vertadièra “accion poetica” e “projècte d’art”, un sovenir d’aqueles “500 000 fantasmas” de refugiats espanhòls en França. Pel viatge, es acompanhat de qualques discípols portant una bandièra transparenta « La bandièra de la poesia », omenatge, performància e memòria. Qualques jorns après aver traversat la frontièra entre Espanha e França amb sa maire, Antonio Machado moriguèt lo 22 de febrièr de 1939, a Collioure, esgotat. En 1958, sos amics – Pablo Casals, René Char, Albert Camus, André Malraux, etc. – li ofriguèron un enterrament corrècte, una tomba amb una boita de letras que recep encara de letras collectadas cada setmana per la Fondacion Antonio Machado.

En preséncia del director Francis Fourcou e Serge Pey.

Sala Perbosc.