Salle Perbosc de l’Ostal d’Occitania.
A partir de 19h30, formula a 15 € comprenent lo concèrt e una collacion.

« Vivi al pè del volcan a Orlhac. Soi autor d’un vintenat de libres de poesia. Ai obtengut lo prèmi Trobadors en 2010 per « Passatges al jardin » e lo prètz de la vila de Besièrs en 2011 per « Vèrn los confinhs ». Dos de mos darrièrs títols pareguts « lo rambalh del Mond » (2017) e « la rumor lo baralh » (2022) evòcan la desmesura del Temps present. Dins « Aurièra trebola de las metamorfòsis » (2018) e « Als confinhs la vida al còr » (2022) recerqui una armonia possibla entre los elements e los èssers vius.
Entre desmesura e armonia, lo poèma coma la sasida de l’incandescéncia del sensible, luminós o escur, e totjorn dins l’escart al còr.
Aicí l’umús es umil
Aculhís pas que plantas infims
A las raices tan freulas
Que lo mendre alen
Arranca a lor pauc de tèrra Coma los èssers de totas contradas
Escobats per l’auragan financièr
Pèrdan lors rizòmas e
Acabèsson desraiçats
Als confinhs del mond”
Un enregistrament de la lectura serà egalament realizat dins l’estúdio de Ràdio Occitania, disponibla puèi per escota sus la ràdio aquel quitament jorn a 20 oras, dins l’emission « los poètas », sus 98,3 FM, e puèi sul sit lespoetes.sit, jos la rubrica « Tempo Poèma »